ही आवडते मज मनापासुनी शाळा.....!

शाळा 

ही आवडते मज मनापासुनी शाळा |

लाविते लळा ही, जसा माउली बाळा ||

हासऱ्या फुलांचा बाग जसा आनंदी |

ही तशीच शाळा, मुले इथे स्वच्छंदी |

हासुनी, हसवुनी, खेळुनी सांगुनी गोष्टी |

आम्हांस आमुचे गुरूजन शिक्षण देती ||

हे प्रेम कराया किती भोवती भाऊ! |

हातांत घालुनी हात तयांच्या राहू |

येथेच बंधुप्रेमाचे, घ्या धडे |

मग देशकार्य करण्याला, व्हा खडे ||

पसरवा नाव शाळेचे, चहूकडे |

मग लोक बोलतील "धन्य धन्य ती शाळा |

जी देशासाठी तयार करिते बाळा !" ||

लाविते लळा ही, जसा माउली बाळा |

मज आवडते मनापासुनी शाळा ||

— प्र. के. अत्रे (केशवकुमार)